Kinumpirmar ti Philippine National Police (PNP) idi kalman nga inmikat ni Senator Ronald “Bato” Dela Rosa iti uneg ti senado idi Mayo 14, aramat ti nakarehistro a lugan ni Senator Robin Padilla, manu nga oras kalpasan iti napasamak a panagpinnaltog iti uneg ti senate building.
Iti press briefing idiay Malacanang idi kalman, inpakita ni Philippine National Police Chief General Jose Melencio Nartatez, Jr. dagiti video footage ti maysa a puraw a Toyota Fortuner a rinumuwar iti Senado 2:30 ti parbangon idi Mayo 14.
Saan pay laeng nga inparuwar ti PNP iti media ti buo bidyu a maatap nga iruruwar ni Senator Dela Rosa iti senado.
Innayon pay ni Nartatez, Jr, sigun iti records inquiry ti Philippine National Police, nakanagan kenni Robin Padilla ti nasao a lugan.
Kinumpirmar met ni Interior Secretary Jonvic Remulla a kukua ni Senator Padilla ti lugan nga adda iti footage.
Immunan nga innaklon ni Senator Padilla a kukuana ti nasao a lugan ngem nagkedked daytoy a kumpirmaren nu inlugan daytoy ni Senator Dela Rosa. //bombokaren.c.s
