Nangbukel ti tracking teams ti National Bureau of Investigation (NBI) para iti posible a pannakaipatungpal ti arrest warrant manipud iti International Criminal Court (ICC) kontra kenni Sen. Ronald “Bato” dela Rosa.
Sigun kenni NBI Director Melvin Matibag, mannarimaan ti panangtutok ita dagiti otoridad iti tallo a posible a lokasyon ti senador.
Nupay kasta, saan a sigurado nu kaano a maisayangkat ti posible a panag-aresto gapu ta agtultuloy pay laeng ti operasyon ken intelligence gathering.
Innayon ni Director Matibas a nagkiddawda metten iti kanayunan a tulong manipud kadagiti dadduma nga ahensiya ken personalidad iti intelligence network tapno adadda a mapapigsa ti monitoring ti nasao a kaso.
Impakaammo metlaeng ti nasao nga ahensiya a dagosda nga insagana ti tracker team kalpasan a nangipaulog ti Department of Justice ti direktiba tapno maipatungpal ti bilin ti International Criminal Court.
Impetteng pay ni Director Matibag nga ipatungpal ti gobyerno ti anyaman a legal a direktiba manipud International Criminal Court kas maitunos iti linteg. //bombokaren.c.sapirao
