Innawagan ni Atty. Harry Roque a ‘baliktarin’ ni Senator Win Gatchalian kasaruno iti sayangguseng a posible a daytoy ti sumukat kenni Senate President Alan Peter Cayetano.
Sinublianna iti napasamak idiay Senado no sadino nagpangta ni Sen. Win Gatchalian nga icite-in-contempt na daytoy kabayatan iti panagsinnungbatda kenni Senator Risa Hontiveros.
Sigun kenni Roque, naklaat daytoy iti pinamay-an ti senador.
Innayonna pay daydi kanito nga inmakar daytoy kenni sigud a senador Grace Poe iti baet a sigud dan daytoy a kadkadua.
“Iyan po talaga ang ugali niya, siya ay baliktarin”, sigun kenni Atty. Roque.
“Sa tingin ko ay kaibigan, pero anyway walang kai-kaibigan diyan kay Sherwin Gatchalian”, innayon daytoy.
Malaksid iti dayta, intuloy nga inwaragawag ni Atty. Harry Roque a saan a mailibak nga annak ti maysa a dakkel a negosyante ni Senator Win Gatchalian.
Inakusaranna ti nasao a senador a gapu ta nakadepende ti negosyo ti pamilyana iti gobyerno, isu’t gapunna nga agpapapansin daytoy idiay senado.
“Kaya naman naiintindihan natin noh? Kung bakit itong si Sherwin Gatchalian eh talagang nagpapalakas sa gobyerno dahil nakasalalay sa gobyerno ang kaniyang pamilya”, dinakamat ti senador.
Innayon ni Atty. Harry Roque nga nu awan ti pamilya ni Senator Gatchalian, awan ti maipakita daytoy a kabaelanna iti senado.
“Alam naman natin na kung wala ang pamilya niya, wala ding maipapakita itong si Sherwin Gatchalian dahil ang kanyang pagkapanalo, ang kaniyang karera sa politika mula Congressman hanggang sa senado”.
Sigun pay iti nasao nga abogado, ti laeng kwalipikasyon ni Senator Win Gatchalian ket annak daytoy ti baknang. //bombokaren.c.sapirao
