Inyebkas ni Senate President Win Gatchalian ti tarigagayna a maaddaan kuma iti linteg kontra iti nihilistic violent extremism (NVE) tapno maaddressan ti ngumatngato a kaso ti online recruitment kadagiti agtutubo nga agaramid kadagiti anyaman a kita ti kinaranggas nangnangruna iti uneg ti pagadalan.
Sigun kenni Gatchalian, maatap nga araramaten dagiti adda iti likod ti nihilistic violent extremism (NVE) to social media ken gaming applications tapno maalada ti talek dagiti menor de edad, ken alukoyenda dagitoy a mangipatungpal iti kinaranggas wenno krimen.
Iti panagdengngeg ti Senate Committee on Women, Children, Family Relations, and Gender Equality, binigbig metlaeng ni Justice Undersecretary Nicholas Ty a saan nga umdas ti agdama a linteg tapno saklawenna ti online recruitment dagiti agtutubo.
Gapu iti daytoy, mangnamnama ni Gatchalian a dagos a maipila ti gakat tapno maliklikanen dagiti klase ti radicalization ken masalakniban dagiti agtutubo kontra iti kinaranggas. //bombokaren.c.sapirao
