Kinompirmar dagiti Senador manipud iti bloc ni Senator Win Gatchalian a posible a maipila ti kaso kontra kadagiti indibidual a nakipartisipar iti Senate Blue Ribbon Committee hearing nga indaulwan ti bloc ni Senator Alan Peter Cayateno idi June 04, 2026.
Sigun kenni Senator Panfilo “Ping” Lacson, “bogus” ti panagdengngeg nga insayangkat da Sen. Cayetano gapu iti kinaawan ti opisial a dokumentasion ken Parliamentary immunity.
Gapu iti dayta, mabalin a makasoan iti cyber libel ken dadduma a krimen dagiti nakipaset iti imbestigasion, karaman dagiti sumagmamano a Senador.
Pinaburan met ni Senator Francis “Kiko” Pangilinan ti kinuna ni Sen. Lacson.
Karaman da Lacson ken Pangilinan iti bloc a nangideklara a bakante ti amin a posisyon iti Senado ken binotosanda ni Sen. Sherwin Gatchalian kas Acting Senate President President, bayat a binutosanda met Sen. Erwin Tulfo kas chairman ti Senate Blue Ribbon Committee.
Naarmid daytoy, sakbay a nangisayangkat ti bloc ni Sen. Cayateno iti imbestigasion babaen iti panagaramatda iti Senate Blue Ribbon Committee hearing a saandan nga idadaulwan.
