Imbinglay ni Senator Sherwin Gatchalian idi kalman a pinirmaanna dagiti payroll checks dagiti empleyado ti empleyado iti tenganga to tensyon ti liderato idiay senado.
Iti maysa a social media post ti Sen. Gatchalian, impakaammona a mabigbigbig daytoyen kas otorisado a mangpirma kadagiti transaksyon ti senado.
Kagiddan dayta, impanamnamana a saan a maapektaran ti sweldo ken benepisyo dagiti agarup 2,000 nga empleyado ti senado.
Maipalagip nga agtultuloy latta ti tensyon seknan ti liderato ti senado iti nagbaetan da Sen. Gatchalian ken Sen. Alan Peter Cayetano.
Impetteng ni Senator Gatchalian nga iti tengnga ti tensyon iti politika, agtuloy latta ti trabaho idiay senado ken agtuloy latta ti panangipatungpalna ti trabahoda.
“Sa kabila ng ingay sa pulitika, tuloy ang trabaho ng Senado sa ilalim ng ating pamumuno, kabilang ang pagtupad sa obligasyon nito sa mga empleyado,” sigun iti pablaak ni Sen. Gatchalian. //bombokaren.c.sapirao
