Sumangsango ita ni sigud a Senator Chiz Escudero iti reklamo a plunder, graft, ken indirect bribery iti Office of the Ombudsman.
Maipalagip nga inrekomenda ti Field Investigation Office (FIO) ti Ombusman ti pannakaipila dagiti nasao a reklamo kontra kenkuana idi Abril 16.
Maibasar iti reklamo, maatap nga inmawat ni sigud a Senator Escudero iti agarup P306 million ken P280 million a a kickback babaen kadagiti nagduduma a flood control projects.
Naibasar dagiti nasao a reklamo iti testimonya ni sigud a Department of Public Works and Highways (DPWH) Undersecretary Roberto Bernardo no sadino inramanna ti maysa nga indibidual a nga agnagan iti Maynard Ngu a maatap a bagman ni Escudero.
Sigun iti dokumento, adda ti napasamak a pannakaideliver ti kuwarta kenkuana idi 2024 ken 2025 babaen kenni Ngu, pakairamanan ditoy ti P306-million a transaksyon ken dua a nagsina a transaksyon nga agatad iti P160 million en P120 million.
Nainget met a pinaglibakan daytoy ti sigud a senador.
Sigun kenkuana, awan ti binilin daytoy a “Maynard Ngu” tapno agbalin a bagman na ken awan ti ebidensya a mangpaneknek a naawat daytoy ti nasao a gatad.
Dinakamat pay daytoy dagiti saan nga agtutunos nga statement ni Bernardo kadagiti nagduduma nga affidavits ken panagdengngeg.
Kagiddan dayta, kinnidaw ni Escudero iti Ombudsman a saanda nga ikkan ni Bernardo ken dadduma pay a kadua daytoy iti immunity.
Sigun kenkuana, dagitoy ti maikonsidera a ‘pinaka-guilty’ kadagiti kaso iti naanomalyaan a flood control proijects.
Manamnama met nga agdesisyon ti Office of the Ombudsman apaman a maipila dagiti kaso kontra iti sigud a senador idiay Sandiganbayan. //bombokaren.c.sapirao
