Inkeddeng ti International Criminal Court (ICC) ti sumagmamano a napateg a petsa para iti agtultuloy a panagdengngeg iti kaso ni sigud a President Rodrigo Duterte sadiay The Hague, Netherlands.
Kasaruno daytoy ti umuna nga status conference iti kasona idi Mayo 27.
Sumagmamano kadagiti napateg a petsa ket pakairamanan ti Hunio 23 para iti maikadua nga status conference; Hunio 29 para iti pannakaisubmitir ti Prosecution ti umuna a listaan dagiti agserbi a testigo; Hulio 14 para iti maikatlo a status conference; Agosto 31 a Cut-off para iti panangipatulod ti prosekusion iti maudi a listaan dagiti saksi ken ebidensiada; Setiembre 28 para iti trial briefing kadagiti pannakabagi dagiti biktima ken Oktubre 30 a trial briefing para iti Defense panel.
Manamnama a mangrugi ti trial kontra iti sigud a presidente ti Pilipinas inton Nobiembre 30, 2026.
Daytoy ti maika-20 a bulan sipud idi naarestar idiay Manila.
