--Ads--
Pinaglibakan ni sigud nga AnaKalusugan Rep. Mike Defensor a nagkiddaw ken nakaawat iti aniaman a pabor kas subad ti donasion nga impaayna kenni Sen. Rodante Marcoleta kabayatan ti 2025 midterm elections.
Sigun kenni Defensor, saan a maibilang a plunder ti campaign donation nga imbasura ita ti Comelec.
Maipalagip a sumangsango ni Marcoleta ken Defensor iti plunder ken indirect bribery complaints nga impila ti Ombudsman prosecutors.
Daytoy ket gapu iti maatap a panangawatda iti P75-milion a donation campaign.
Immuna metten a nangipaulog ti Sandiganbayan Seventh Division iti precautionary hold departure order kontra kadagiti nasao a respondents.
