Naaddaan iti nabara a panagsusupiat iti nagbaetan da Senate President Alan Peter Cayetano ken DILG Secretary Jonvic Remulla bayat ti panangisayangkat ti PNP-CIDG iti pannakaarestar ni Senador Jinggoy Estrada mainaig iti kaso a plunder ita a Lunes, Hunio 01, 2026.
Kabayatan ti pannakaipatungpal ti warrant of arrest, impaganetget ni Sen. Cayetano a rumbeng a respituen ti institusyon ti Senado ken mapatgan ni Sen. Estradaa a rumuar iti Senado sakbay a maarestar.
“Respect the institution. This is not about Jinggoy. Hindi pa nagiging kaugalian na arestuhin ang isang senador sa loob ng Senado.” – Sen. Cayetano
Nupay kasta, nainget ti panagkedked ni DILG Sec. Remulla ken impettengna a napukaw ti pribilehio ti Senado kalpasan ti insidente ti panaglibas ni Sen. Ronald “Bato” Dela Rosa manipud iti protective custody.
“Sir, I’m sorry. You lost that privilege when Bato escaped. Tungkulin ng ehekutibo na ipatupad ang warrant kahit sa loob ng Senado.” – DILG Sec. Remulla
Maipalagip a boluntaryo a simmuko ni Senator Estrada kadagiti otoridad kalpasan a nangiruwar ti Sandiganbayan Fifth Division iti warrant of arrest kontra kenkuana idi Hunio 01.
Kabayatanna, agtaltalinaed a sentro ti kontrobersia ti kaso ni Estrada a pakairamanan ti maipagarup a P573-milion a naawatna iti naanomalyaan a flood control projects, maysa a non-bailable case nga addaan iti penalty of reclusion perpetua no mapaneknekan a nakabasol daytoy.
