Nangiwaras ti Philippine National Police (PNP) iti kanayunan a puersa iti aglawlaw iti Senado ken kadagiti kaaruba nga opisina iti gobierno kasaruno iti agtultuloy a political tension.
Sigun kenni PNP Chief Police General Jose Melencio Nartatez Jr., nabilin ti National Capital Region Police Office (NCRPO) a mangipatungpal iti nainget a seguridad iti igid iti Senado, karaman dagiti napapigsa a police visibility ken dagiti checkpoint.
Kinunan iti PNP a ti addang ket paset iti “heightened vigilance but calibrated restraint” tapno masigurado ti seguridad iti publiko ken agtultuloy nga operasion iti gobierno iti tengga dagiti nabara nga isyu iti pulitika ken posible a tignay-protesta.
Inlawlawag metlaeng iti PNP nga agtaltalinaed daytoy nga apolitical ken ti kangrunaan a pagrebbenganna ket pagtalinaeden ti kinaurnos, panangimanehar iti trapiko, ken panangsalaknib iti publiko ken dagiti institusion.
Ginuyugoyna metlaeng iti pulisia dagiti panggepna a mangisayangkat iti rally a pagtalinaeden daytoy a natalged ken liklikan ti aniaman a kinaranggas wenno panangdadael.
