Intantan iti Sandiganbayan ti arraignment da Senador Jinggoy Estrada ken sigud a Public Works Secretary Manuel Bonoan seknan iti kaso a plunder nga aggatad iti ₱375 milyon ken nagsina a kaso iti graft nga adda pakainaiganna iti mapapati nga anomalia kadagiti proyekto iti flood control.
Sigun iti Fifth Division iti Sandiganbayan nga idadauloan ni Associate Justice Zaldy Trespeses, temporario a naituding ti arraignment inton Hunio 30, alas-8:30 iti agsapa gaputa nakatantan pay dagiti mosion iti dua nga akusado tapno ibasura dagiti kaso a naipila kontra kenkuana.
Adda metlaeng ti naitantan a mosion ni Bonoan para iti hospital arrest, bayat nga immatras ti kampo ni Estrada ti immuna a mosion para iti piansa ken panangiyakar iti lugar iti detension tapno saan daytoy a maisupadi iti mosion nga ibasura dagiti kaso.
Kabayatanna, naituloy dagiti arraignment iti tallo a padada nga akusado nga opisial iti Department of Public Works and Highways–National Capital Region kalpasan a saanda a nangisubmitir iti mosion tapno ibasura ti impormasion.
Dagiti opisial a da Denryl Cortuna, Manny Bulusan, at Arturo Gonzales Jr. ket nangipila iti not guilty plea kadagiti kaso a plunder ken graft.
