Naklaat ti maysa a mahistrado ti Sandiganbayan a mangas-asikaso iti plunder and graft case ni sigud a Public Works and Highways Secretary Manuel Bonoan gapu iti nagadu a sakit a sagsagabaen ni Bonoan.
Karaman kadagiti sakit ni Bonoan ti diabetes, hypertension, acute coronary syndrome, chronic kidney disease, prostate cancer ken sakit iti spine.
Sigun kenni Presiding Justice Geraldine Econg, Second Division ti Sandiganbayan, immado ita ti sakit ni Bonoan.
Nupay kasta, agkiddawda latta iti medical update manipud iti Philippine National Police (PNP) seknan iti kasasaad ni Bonoan nga agdama a naka-confine iti The Medical City.
Maipalagip a sumangsango ni Bonoan iti P573-million plunder and graft cases mainaig iti flood control anomalies.
Kaduana nga akusado iti nasao a kaso ni Senador Jinggoy Estrada.
Immuna metten a pinaglibakan da Bonoan ken Estrada ti alegasyon kontra kadakuada.
