Inaprubaranen ti Sandiganbayan ti kiddaw ni sigud a Department of Public Works and Highways (DPWH) Secretary Manuel Bonoan nga hospital arrest.
Iti inparuar a resolusyon ti Fifth Division ti Sandiganbayan, pinalubosanda nga agtalianed ni Bonoan idiay Philippine National Police (PNP) General Hospital idiay Camp Crame ken saan nga idiay Medical City.
Nakalanad gamin iti mosyon ti abogado daytoy a gapu iti edad ni Bonoan ken ti rikriknaen daytoy, kasapulan nga agtalinaed daytoy idiay ospital.
Maipalagip a naitaray ni Bonoan iti pagagasan kalpasan a naipaulog ti warrant of arrest na manipud Sandiganbayan gapu iti kaso a plunder.
Karaman daytoy kadagiti sumangsango iti kaso a graft ken plunder ni Senator Jinggoy Estrada gapu iti naanomalyaan a flood control projects. //bombokaren.c.sapirao
