Silulukat ni Senate President Pro Tempore Sherwin Gatchalian a makisarita iti bloc da Senator Alan Peter Cayetano tapno marisut ti tension iti Senado.
Sigun kenkuana, makisarita kadagiti amin a Senador tapno maisubli ti normal nga operasyon ti Senado.
Impetteng ti Senador a napateg ti diyalogo tapno marisut dagiti parikut ken agpokusda iti panaggaramid iti linteg para iti publiko.
Maipalagip a nabutosan ni Sen. Gatchalian kas acting senate president kalpasan a naideklara a bakante amin a posisyon kasaruno iti namin-tallo a daras a saan a panagdar-ay ti bloc ni Sen. Cayetano iti session.
Maibasar iti Senate rules, ni Sen. Gatchalian ti acting Senate President no awan ti nakatugawa presidente ti Senado.
Iti baet dayta, impetteng ni Cayetano a daytoy paylaeng ti presidente ti Senado ken kinunana a kasapulan a pagsaritaanda no sino ti pudpudno a dadaulo ti Senado.
