--Ads--
Nagballaag ni Undersecretary Claire Castro iti publiko nga agalwad dagitoy manipud kadagiti indibidwal nga agpampammarang a nasantoan.
Nupay kasta, dagos nga inlawlawagna a saan a ni Senator Alan Peter Cayetano ti dakdakamatenna.
Sigun kenkuana, ti dinakamatna ket para iti amin, ngem innayonna a nu matamaa ti nasao a senador, awanen ti maaramidanna.
Kagiddan dayta, binanatanna ni Cayetano kalpasan iti panangbalakad ti nasao a senador kenni Acting Senate President Win Gatchalian a saan nga agpaaramat iti Malacañang.
Depensa ni Castro, awan ti ammo ti Palasyo iti mannarimaan a tensyon idiay senado. //bombokaren.c.sapirao
