Impetteng ti Land Transportaton Franchising and Regulatory Board- Cordillera (LTFRB-CAR) a ‘very lenient’ dagitoy iti panangpilida kadagiti drivers a maipaayan ti subsidiya.
Sigun kenni Engineer Mervin Kay Abenoja, Planning Officer ti nasao nga ahensya, nainget a mavalvalidate dagiti listaan nga isumsumitir dagiti asosasyon tunggal adda ti tulong a maipaay manipud iti opisinada.
Kastoy metlaeng ti pamay-anda kadagiti dadduma pay nga ahensya kas iti Department of Labor and Employment a nangipaay ti TUPAD Tuloy Pasada Program ken ti Department of Social Welfare and Development (DSWD) nga agipapaay ti cash wenno financial assistance.
Maipalagip nga itay kanikadua, naiyuswat ti TUPAD Tuloy Pasada program no sadino maysa ti Land Transportaton Franchising and Regulatory Board- Cordillera (LTFRB-CAR) a nagserbi kas maysa kadagiti endorsers ken validation team iti listaan ti drivers a nga agbalin a benepisyaryo.
Impeksa ni Abenoja a kinita dagitoy dagiti plate numbers nu agtunos dagitoy kadagiti prangkisa da.
Inlawlawagna a mabalin latta nga agbalin a beneficiaries dagiti drivers kadagiti programa ti sabali nga ahensya.
Impakaaammo ni Engineer Mervin Kay Abenoja, Planning Officer ti LTFRB-CAR nga agtultuloy latta ti pannakaipaay ti fuel subsidy agingga awan pay ti ipapaulog ti Central Office a maisardeng daytoy.
Kasta metten dagiti discounts a maal-ala dagiti drivers manipud kadagiti selected gas station no sadino makaal-ala dagitoy iti 10% discount.
Nasken laeng a karaman dagitoy kadagiti listaan a makaawat iti fuel subsidy.
Agbalballaag met daytoy kadagiti drivers nga agsingsingir iti nangato a pamasahe kadagiti pasaheros.
Sigun kenni Abenoja, adda pay laeng dagiti reports a maaw-awatda manipud iti publiko nga agrekreklamo rason tapno immapila daytoy kadagiti drivers a liklikanda ti agsingir ken piliten dagiti pasaheros nga agbayad iti nangatngato iti rumbeng a plete.
Innayonna a posible a makasoan dagitoy ti overcharging.// Bombo Noveh Organo
