BAGUIO CITY – Ad-adda pay a napalawa ti saksakupen ti Libreng Sakay Program ti Land Transportation Franchising and Regulatory Board Cordillera
Kasaruno daytoy iti pannakailukat ti kanayunan a ruta para iti nasao a programa kadagiti nagduduma a lugar iti rehiyon
Karaman kadagiti nasao a ruta ti Pines City Doctors Hospital (PCDH) iti Baguio City – Benguet General Hospital (BeGH) iti La Trinidad – Acop iti Tublay route ken Alapang Junction – Alno iti La Trinidad route.
Gapu iti dayta, dumanonen iti 16 a ruta ti daldalanen dagiti libreng sakay iti rehiyon
Maipalagip nga inlukat ti LTFRB cordillera ti kanayunan a ruta para kadagiti healthcare workers ken APORs iti Baguio City, Benguet ken Mountain Province iti sidong ti Libreng Sakay – Service Contracting Program Phase 3 idi laeng kanikadwa a pakairamanan ti City Business District Loop iti Baguio City, Sablan line ken Ambuklao Line iti Benguet, ken Mabaay- Tadian Line iti Mountain Province.
