BAGUIO CITY- Naituding nga maisubli ti Libreng Sakay program ti LTFRB para kadagiti healthcare workers ken authorized persons outside residence ken ururayenda laeng ti pondo manipod iti DBM.
Sigun kenni Land Transportation Franchising and Regulatory Board – Cordillera Administrative Region (LTFRB-CAR) Regional Director Elaine Sobremonte, ur-urayenda laeng nga ipaluspos ti Department of Budget & Management ti pondo para iti nasao nga programa.
Iti sidong met ti nasao nga programa, umawat dagiti public utility vehicle drivers ken operators iti performance-based incentives tunggal lawas kas maibasar iti bilang ti biahe dagitoy iti laksid nu addaan wenno awanda iti pasahero.
Maipalagip a panggep ti programa a mangipaay iti pampinansial a suporta para kadagiti mangmangged iti sektor ti transportasyon, karaman pay ti epektibo ken natalged nga operasyon ti parapubliko a transportayson ken tulong kadagiti healthcare workers and APORs.
