Inakusaran dagiti sigud a Marines dagiti sabali manen nga opisial ti gobierno ken personalinad iti media.
Iti press conference ita nga aldaw, Hunio 16, 2026 inyam-ammo ni Atty. Levi Baligod dagiti uppat a baro a saksi.
Maysa kadagitoy ti nangipakaammo a karaman kadagiti maatap a nangitulod iti naka-maleta a kuarta para kenni sigud a House Speaker Martin Romualdez ken Senator Erwin Tulfo.
Karaman metlaeng kadagiti inakusaranda ni Commission on Elections (COMELEC) Chairperson George Garcia.
Nupay kasta, pinaglibakan ni Garcia ken inawaganna a kinaulbod dagiti alegasion.
Malaksid iti dayta, nagpam-ammo metlaeng ti maysa a karaman kadagiti nangitulod iti uppat a maleta ti kuarta iti pagtaengan ni Senator Francis Escudero.
Imparang metlaeng dagitoy ti sumagmamano a ladawan mainaig iti panangituloda iti kuarta.
Karaman ditoy ti ladawan ni Senator Kiko Pangilinan ken Sharon Cuneta kaduada ti sumagmamano a tauhan ni sigud a Congressman Zaldy Co.
Nupay kasta, awan ti impaayda a detalye no anya ti pakainaigan daytoy kadagiti alegasyonda.
Mainaig iti dayta, inwaksi ni Cuneta ti statement dagiti sigud a bodyguards ni Co ken kinunana a kinaulbod amin dagiti alegasion kontra kadakuada.
Karaman metlaeng nga inakusaran dagiti sigud a Marines ni MMDA General Manager ken sigud a PNP Chief Nicolas Torre, TV journalist Arnold Clavio ken kolumnista a ni Mon Tulfo.
Nainget met nga inwaksi dagiti nadakamat a personalidad ti alegasion dagiti maatap a sigud a Marines.
