Dumanunen iti 57 dagiti posible nga agtestigo iti impeachment trial kontra kenni Vice President Sara Duterte.
Nanayunan daytoy manipud iti 25 nga immuna a naiwaragawag.
Sigun kenni Lead Prosecutor ken Batangas Rep. Gerville Luistro, nanayunan dagiti agtestigo tapno masigurdo a maipakita iti Senate impeachment court dagiti amin a napapateg nga ebidensiya.
Iti baet a nagkedked ni Luistro a mangipaay iti detalye mainaig kadagiti report ti baro nga ebidensia kontra kenni Duterte, pinasingkedanna a nalpasen ti listaan dagiti posible a saksi.
Kadagiti uppat nga Articles of Impeachment, kinuna ni Luistro a ti maipagarup a saan nga umno a pannakaaramat ti confidential funds ti kaaduan ti saksi gapu iti kaadu dagiti dokumento a kasapulan a mailasin ken mapaneknekan babaen ti testimonia.
Innayonna nga aniaman nga ebidensia a panggep ti prosekusion nga idatag iti panagdengngeg ket masapul a maibaga iti pre-trial brief
