Nagrugin a dumalsayat dagiti barko ti Amerika ken Iran iti Strait of Hormuz kalpasan nga inwaragawag ti Washington ken Tehran ti katulagan para iti mapanagpatingga ti giera sadiay Middle East.
Ti panaglukat ti kangrunaan nga energy chokepoints iti lubong ti mangmarka iti dakkel nga addang iti panagpatingga ti makapapatay a tension ken riribuk ti ekonomia.
Maipalagip nga inserra ti Iran ti Strait of Hormuz manipud idi nangrugi ti giera.
Nangpataud daytoy iti panagngato ti presio ti lana ken panagbuteng iti napaut nga inflation shock.
Kabayatanna, kinuna ti US, Iran ken mediator Pakistan a mapirmaan ti peace agreement inton Biernes sadiay Switzerland.
Nupay kasta, kinuna ti maysa a nangato nga opisial ti administrasion ti Amerika a pinirmaanen da Trump, Vice President JD Vance ken Iran’s parliamentary speaker Mohammad Bagher Ghalibaf ti katulagan babaen iti electronic text.
Iti baet dayta, kinuna ti opisial ti Amerika a kayat ni Trump a personal a pirmaanda ti katulagan tapno maipakita ti dedikasionna iti naballigi a resolusion.
