Kiniddaw ni President Ferdinand Marcos Jr. a papigsaen ti pagtitinnulong ti ASEAN ken Russia, imbes a panagsusupiat.
Daytoy ti kinuna ni President Marcos Jr. iti panaglukat ti ASEAN-Russia Summit sadiay Kazan.
Kabayatanna, intampok ni President Marcos ti tallo a kangrunaan a panggep ti panagtitinnulong: umuna ti nataltalged a rehion kontra terorismo ken cybercrime, napigpigsa nga ekonomia babaen ti panagtagilako ken enerhia, ken ti napalawa a singgalut dagiti tattao iti sektor ti edukasion ken kultura.
Sigun kenni President Marcos Jr., ti 35 a tawen a partnership ket panagrugi laeng ti nalawlawa ken natibtibker a relasion ti ASEAN ken Russia kadagiti sumarsaruno a tawen.
Iti sabali a bangir, inwaragawag ti Presidente a dakkel a dayaw nga agbalin a Co-Chair ti ASEAN-Russia Commemorative Summit, kaduana ni Russian President Vladimir Putin.
