Inlista ti House prosecution panel kas reserve witness ti maysa a psychiatrist tapno paneknekan ti kasasaad ti panunot ken nature of violence ni Vice President Sara Duterte.
Maibasar iti pre-trial brief nga insubmitir ti prosecution iti Senate impeachment court, mausar ti psychiatrist iti sidong ti Article of Impeachment no. 4 wenno ti panagpangta ti bise presidente kontra kada President Ferdinand Marcos Jr., First Lady Liza Araneta Marcos, ken sigud nga Speaker Ferdinand Martin Romualdez.
Iti online press conference idi Biernes, kinuna ti pannakangiwat ti House prosecution panel da Rep. Zia Alonto Adiong ken Atty. Benjamin Tolosa Jr. a tumulong ti maysa a psychiatrist a mangtingiting iti kinaserioso ti kinuna ni VP Duterte nga adda ti binilinna a mangpapatay kadagiti agassawa a Marcos ken ni Romualdez no adda ti dakes a mapasamak kenkuana.
Inyunay-unay da Alonto ken Adiong a ti akem ti psychiatrist ket tumulong iti impeachment court babaen ti eksperto, non-partisan assessment ken ilawlawagna ti panagpangta ti bise presidente.
