Umap-apela ti Philippine Society for Developmental and Behavioral Pediatrics kadagiti nagannak ken guardians a batayanda ti aniaman nga online activities dagiti annakda a menor de edad.
Sigun iti grupo, irekrekomendar ti Philippine Pediatric Society (PPS) a saan a rumbeng a maaddaan ti ‘unsupervised access’ iti social media dagiti ubbing nga agtawen iti 16 agpababa.
Impetteng dagitoy a kasapulan a masalakniban dagiti ubbing manipud kadagiti napeggad a linaon ti online a mabalin a mangapektar wenno mangimpluensia iti tignay wenno kababalin dagitoy.
Karaman ditoy dagiti content a saan a maitutop iti edadda, kas iti napeggad a saritaan, pangta, naranggas a video ken dadduma pay a pangta nga agparparang iti digital space.
Sigun iti grupo a buklen dagiti pediatrician ken eksperto, vulnerable iti digital space dagiti ubbing nga addaan wenno sigud nga adda ti ‘developmental, behavioral, ken mental health needs’.
Gapu iti dayta, impaganetget ti grupo a kasapulan a mapaingetan ti panagaramat dagiti ubbing iti digital space, nangruna no saan a kabaelan ti gobierno nga i-regulate dagiti contents iti online.
