Nasuspindir ti klase idiay Batangas City Integrated High School pakairamanan ti on-site school activities ita nga aldaw gapu iti pangta ti pammaltog iti nasao a pagadalan.
Sigun kenni PLt. Sharen, dadaulo ti Batangas City Polcie- Public Information Officer, nakaawat ti nasao a pagadalan ti pangta iti pammaltog babaen iti facebook page daytoy no sadino target dagitoy dagiti estudyanteda iti Grade 7 agingga Grade 10.
Sigun kenkuana, dummy account ti naaramat no sadino nagpaamammo pay daytoy kas maysa a Grade 10 student ken biktima iti bullying.
Agtalinaed a kanselado ti klase iti nasao a pagadalan agingga mangipaulog manen dagitoy iti direktiba a mabalinen nga umuneg dagiti estudyante.
Sigun iti nasao a pagadalan, apaman a naawatda ti nasao a pangta, dagos a nangipatungpal dagitoy iti precautionary measure tapno masigurado ti seguridad dagiti mannursuro, estudyante, ken parentes.
Nakikoordinarda metlaengen kadagiti nagduduma nga enforcement authorities seknan iti nasao nga insidente.
Iti agdama, agtultuloy pay laeng ti imbestigasyon ti otoridad seknan iti napasamak nga insidente. //bombokaren.c.sapirao
