Ad-adalen ti Department of Education (DepEd) no ipatungpalda ti mandatory a bag inspections kadagiti amin a pagadalan iti pagilian, kasaruno ti shooting incident iday Tacloban City.
Sigun kenni DepEd Assistant Secretary Roger Masapol, maad-adal ti singasing ngem ti implementasyon daytoy ket dipende iti kinadakkel, kapisidad ken kinaadu dagiti estudiante iti maysa a pagadalan.
Malaksid iti bag inspections, ikonkonsidera ti DepEd ti pannakaiwaras dagiti walk-through ken handheld metal detectors kadagiti pagadalan.
Impaganetget ti ahensiya a kasapulan a mapapigsa ti safety protocols kadagiti pagadalan.
Malaksid iti dayta, imbilin ni Education Secretary Sonny Angara iti ahensiya nga ipangpangrunada ti kinatalged ken siguridad iti pagadalan kasaruno ti nasao nga insidente ti pammaltog iti maysa a pagadalan.
