Naitantan ti arraignment wenno panagbasa iti akusasion kontra kenni Senador Jinggoy Estrada ken sigud a Department of Public Works and Highways (DPWH) Secretary Manuel Bonoanpara para iti kaso a graft ken plunder idiay Sandiganbayan Fifth Division.
Nautidung ti nasao a panagbasa ita nga aldaw ngem nayakar inton Hulio 28.
Daytoy ket kalpasan iti mosyon ti state prosecutors iti anti-graft court division no sadino inamyendaranda ti case information tapno ikkaten ni Bonoan iti kaso.
Maipalagip a kinumpirmar ni Ombudsman Jesus Crispin Remulla nga immannamong ni Bonoan nga agbalin a state witness.
Ti arraignment ket marka kas pormal iti panagrugi iti panagdengngeg no sadino kasapulan a sumango dagiti akusado iti korte sakbayda a maipaayan iti guilty o not gulty plea. //bombokaren.c.sapirao
