Dumanonen iti 2,645 ti bilang dagiti pimmusay iti dua a gingined a tinmama idiay Venezuela idi Hunyo 24 sigun iti baro nga opisyal a datos ti gobyerno ti nasao a pagilian.
Agarup 12,600 metten ti bilang dagiti nadunor bayat a rinibribo pay laeng ti agtultuloy a masarsarak kalpasan iti panangregaay ti dose-dosena a building.
Sigun iti gobyerno sadiay, daytoyen ti maysa kadagiti kadadakelan a kalamidad a dinmayeg iti nasao a pagilian no sadino naideklara ti state of emergency kadagiti nagduduma a rehiyon.
Nangipatulod metten dagiti dadduma a pagilian ken international humanitarian organizations kadagiti rescue teams ken tulong para kadagiti apektado a komunidad.
Iti agdama, mannarimaan pay laeng ti panangsarak kadagiti mapukpukaw bayat nga agtultuloy nga umad-ado dagiti pamilya a naawanan ti pagtaengan gapu iti nakaro a dadael kadagiti buildings ken imprastraktura sadiay. //bombokaren.c.sapirao
