Kinumpirmar ti Department of Foreign Affairs (DFA) nga awan ti nadangran a Pilipino wenno pimmusay iti magnitude 7.1 ken 7.5 a ginggined sadiay Venezuela idi June 25, 2026.
Sigun iti DFA, manarimaan ti monitoring dagitoy iti kasasaad iti nagbaetan ti Philippine Embassy sadiay Bogota, Colombia a mangas-asikaso kadagiti Pilipino sadiay Venezuela.
Malaksid iti dayta, manarimaan ti koordinasion ti embahada kadagii Pilipino nga agnanaed sadiay Caracas ken Barinas City tapno masigurado ti kinatalged dagitoy.
Kabayatanna, binalakadan ti ahensia dagiti Pilipino sadiay Venezuela nga agtalinaedda kadagiti natalged a lugar ken dumngegda kadagiti pakdaar dagiti lokal a gobierno ken autoridad.
Maipalagip a napasamak ti magnitude 7.2 a ginggined iti makindaya a paset ti Caracas.
Sumagmaano a minutos ti napalabas, napasamak met ti napigpigsa a magnitude 7.5 a panagdayyeg.
Gapu iti kinapigsa dagiti ginggined, indeklara ti gobierno ti Venezuela ti state of emergency tapno mapapartak ti panagresponde kadagiti naapektaran a lugar.
