Idagdagadag ti Philippine Embassy nga agannad dagiti Pilipino sadiay Saudi Arabia gapu iti agdama a kasasaad ti seguridad ti nasao a pagilian.
Iti advisory nga impaulog ti embahada, nabalakadan dagiti Pilipino sadiay KSA nga agtalinaed nga alerto iti bukodda a lugar, kalmado ken nasiput.
Malaksid iti dayta, maibalbalakad kadagiti agbiyahe iti eroplano a kompirmarenda nga umuna ti flight dagitoy sakbay nga agturong iti airport agsipudta, mabalin a maitantan, makanselar wenno mabaliwan dagiti eskediul ti panagbiahe.
Makidkiddaw metlaeng kadagitoy a saanda nga asitgan, iggeman wenno piduten dagiti mapagduaduaan a banag wenno debris a posible a paset ti missile wenno drone.
Kabayatanna, maidagdagadag metlaeng kadagiti Pilipino sadiay Saudi Arabia a saanda nga ibinglay wenno i-post dagiti saan a naberipikado a damag, ladawan, wenno video mainaig kadagiti insidente nga adda pakainaiganna iti seguridad ti Saudi Arabia.
Nakakanad iti advisory a normal ti operasiyon ti embahada ken konsulado tapno maipaay ti tulong kadagiti Pilipino sadiay.
Mapalagip a niraut dagiti Yemen’s Iran-aligned Houthis ti airport sadiay Riyadh idi Huebes, Okt. 08 a nagresulta iti ipupusay ti tallo nga indibidual
