--Ads--
Dumanon iti 200 nga overseas Filipino worker s (OFWs) ti na-stranded sadiay Riyadh, Saudi Arabia kalpasan a nakanselar dagiti flight ken pannakaiserra ti dau nga airport.
Karaman kadagiti naapertaran dagiti domestic worker, professional ken skilled workers a naituding nga agawid iti pagilian a Pilipinas.
Maipalagip a naipatungpal ti restriksiyon kadagiti airports sadiay Riyadh ken Dammam bayat a limitado ti operasyon sadiay Jeddah gapu iti panangraut ti rebelde a Houthi, aramat ti missile ken drone.
Kabayatanna, kinontra ti migration expert Manny Geslani ti plano a pannakaiyawid kadagiti OFW babaen ti Jeddah agsipudta dumanon iti 10 agingga iti 12 nga oras ti land travel ken limitado ti biahe nga agturong sadiay Manila.
