Nagsubli ti operasyon ti dua a terminal ti King Khalid International Airport sadiay Riyadh, Saudi Arabia idi Domingo iti baet ti pangta ti rebelde a Houthi sadiay Yemen.
Naiserra ti airport idi Oktubre 19 kalpasan ti panagraut ti Houthi a nakatayan ti 13 nga indibidual.
Kalpasan nga inwaragawag dagiti otoridad sadiay Saudi ti pannakairugi manen ti operasion ti airport, inkari ti pannakangiwat ti Houthi a ni Yahya Saree a ti pasilidad ket saan a pulos a natalged ken indagadagna kadagiti kompania ti eroplano, dagiti empleyado ti airport ken dagiti pasahero a saanda nga aramaten ti nasao nga airport.
Kabayatanna, agtultuloy ti pananglapped ti Saudi Arabia kadagiti missile ken drone nga ipatpatulod ti Houthi.
Iti kaudian nga insidente, dua a sibilian ti nadangran, ken sumagmamano a pagtaengan ken lugan ti nadadael gapu kadagiti debris manipud iti missile.
Ad-adda a kimmaro ti giera kalpasan a nagleppas ti ceasefire a sinuportaran ti United Nations a naangay sipud pay idi 2022.//
