Naobserbaran ti Department of Education (DepEd) ti panagngato ti bilang dagiti insidente ti school-related violence iti pagilian, kalpasan ti shooting incident sadiay Tacloban idi June 22, 2026.
Iti naangay a Senate Basic Education Committee hearing, kinuna ni DepEd Undersecretary for Governance and Operations Malcolm Garma a nagballaag ti Philippine National Police (PNP) nga adda ti posibilidad ti “copycat” phenomenon kalpasan ti shooting incident iti San Jose National Highshool.
Sigun met kenni Senator Bam Aquino, chair ti Senate committee, dumanon iti agarup 12 nga insidente ti school-related violence ti naireport iti intero a pagiian.
Daytoy ket pakairamanan ti stabbing incident nga inaramid ti Grade 9 idiay Negros Occidental idi June 23; ken ti nalapdan a maatap nga school attack sadiay Leyte idi June 24.
Sumagmamano metlaeng a pagadalan sadiay Tarlac province ti makaaw-awat iti bomb threats, partikular iti Capas town ken Tarlac City idi June 23.
Sigun kenni Garma, kayat ti DepEd a maprebentaran ti “copycat” phenomenon ken ti pannakaipasigurado iti publiko a natalged dagiti pagadalan.
