Pinalubosan ti Sandiganbayan Third Division ti kiddaw ti Sixth Division a pagnayunen dagiti kaso a plunder ken pananglabsing iti Presidential Decree No. 46 a naipila kontra kenni Senator Rodante Marcoleta.
Sumangsango ti senador iti kaso a plunder gapu iti maatap a saaanna a panangideklara iti agarup P75 milyon a donasyon manipud iti co-accused daytoy kabayatan iti 2025 national election.
Malaksid iti dayta, sumangsango metlaeng daytoy iti pananglabsing iti Presidential Decree No. 46 wenno pananglabsing iti panangawat iti regalo.
Immunan a nakitaan ti korte ti probable cause tapno mapilaan ti kaso da Marcoleta ken dagiti dadduma a senador a da sigud nga Anakalusugan Partylist Representative Mike Defensor, ken dagiti negosyante a da Aristotle Viray ken Joseph Espiritu. //bombokaren.c.sapirao
