Impakaamo ni Arthur Carlos ,Barangay Chairman ti Irisan, Baguio City nga agtultuloy latta ti panagmonitorda kadagiti nagduduma a Purok.
Sigun kenkuana, adda laeng dagiti sumagmamano a pakaseknan a naiyawag kadakuada idi kalman ngem dagosda met daytoy a narespondean babaen metlaeng ti tulong dagiti barangay officials ken Baguio City Police Station 9.
Innayonna met a 24/7 itan ti panagmonitorda kadagiti nagduduma a barangay agingga sumayaat ti panawen.
Impettengna a nakasaganada a kanayon nu kasbilang adda dagiti maiyawag kadakuada.
Kabayatanna, nagbalakad met daytoy kadagiti residente ti Irisan nga nu adda dagiti pakaseknanda wenno emergency, iyawagda a dagos iti barangay tapno dagos a maresolba daytoy.
Kinunana nga adda met dagiti nakasagana a mabalinda a pagbakwitan nu kasapulan dagitoy nga ag-evacuate.
Innayonna metlaeng a saan pay kuma dagitoy a mangiruar kadagiti basbasurada ken awan ti agibelbelleng kadagiti rugit ken basura kadagit kankanal. //bombokaren.c.sapirao
