--Ads--
Agtaltalinaed iti 77 nga evacaution centers dagiti agarup 2,900 a pamilya a buklen ti agarup 11,000 nga indibidual.
Kabayatanna, dumanon iti agarup 7,000 a pamilya ti agnanaed kadagiti dadduma a natalged a lugar malaksid kadagiti evacualtion centers.
Sigun kenni OCD Deputy Administrator Assistant Secretary Bernardo Rafaelito Alejandro IV, manarimaan ti monitoringda kadagitoy iti baet a saanda a temporaryo nga agnanaed kadagiti nailatang nga evacuation centers.
Maibasar iti datos ti Office of Civil Defense (OCD), agarup 32 a lugar ti makapaspasar iti panaglayus.
Nupay kasta, posible a ngumato ti nasao a bilang bayat a marikrikna paylaeng ti epekto ti Habagat.
