Inbabawi ni US President Donald Trump ti pangtana a 20% “reimbursement fee” kadagiti barko a dumaldalyasat idiay Strait of Hormuz.
Sigun kenkuana, imbes nga agsingir daytoy iti fee, sukatanna kitdi daytoy iti tulagan para iti trade manipud kadagiti nagduduma a pagilian iti Gulf States paturong iti Estados Unidos.
Inaramid ti presidente ti panangibabawina iti nasao a fee kalpasan nga inyebkas dagiti pagilian nga ada iti Gulf Region a karaman iti Gulf Cooperation Council (GCC) iti nalabes a pakaseknanda nu kasbilang maipataw daytoy.
Nagmaymaysa dagiti pagilian iti nasao a rehiyon ken impettenda a saan a rumbeng a mapatawan ti anyaman a fee dagiti barko a dumaldalyasat sadiay.
Kabayatanna, ituloy ti Estados Unidos ti ‘full blockade’ wenno panagharang kadagiti barko ti Iran. Sigun kenni Trump, agtaltalinaed a nakalukat ti Hormuz malaksid iti barko ti Iran ken dagiti customers da. //bombokaren.c.sapirao
