Inlawlawag ni Senador Robin Padilla ti kinunana a maysa daytoy a komunista kabayatan ti impeachment trial ni Vice President Sara Duterte idi July 14, 2026.
Sigun kenkuana, ti komunista a dakdakamatenna ket ti panangitandudo iti social justice.
Nilawlawagan dytoy ti senador ita a Huebes, Hulio 16, kalpasan a nakaawat iti naglalaok a reaksion ti kontrobersial nga statementna.
Inlawlawag ni Padilla a ti tuktukoyenna a komunismo ket ti kada-anan a sistema nga immuna pay no iti ideolohiya ni Karl Marx.
Impaganetgetna a ti bersionna iti komunismo ket naibasar iti pannangisakit iti pada a tao, panagpapada, ken panagtitinnulong dagiti tattao.
Inkonektarna daytoy iti wagas ti panagbiag dagiti immuna a Kristiano a Komunismo ken dagiti immuna a Muslim sadiay Madinah wenno ti Mu’akhat system a nangipakita iti pudno a panagbibinninglay kadagiti sanikua.
Inyunay-unay ti senador a lumaban iti kinaranggas ken inlawlawagna a saana a tuktukoyenna dagiti Marxist-Leninist ken Maoist ideologies nga intantandudo da Vladimir Lenin ken Mao Zedong, a nangpataud kadagiti armado a rebolusion ken nasaknap a kinaranggas.
