Imbilin ni Defense Secretary Gilberto Teodoro Jr. a masukimat ti reservist record ni Senador Robin Padilla kalpasan nga inaklunna a maysa a komunista.
Kagiddan daytoy, pimmigsa ti kiddaw a maikkat ni Padilla kas reservist ti Philippine Army.
Maibasar iti rekord ti Philippine Army, nagbalin a reservist ni Padilla idi 2019 nga addaan iti ranggo a Kapitan.
Nupay kasta, inaklon ti Senador kabayatan ti impeachment proceedings kontra kenni Bise President Sara Duterte a maysa a komunista.
Iti sidong dagiti pagannurotan ti AFP Reservist Program, mabalin a maikkat ti asinoman a mangaramid iti maikontra kadagiti prinsipio ti programa—kas iti napasamak kenni sigud a Cavite Rep. Kiko Barzaga a naikkat kas reservist.
Kabayatanna, naituding a maipasidong iti proseso ken imbestigasion ti admission ni Padilla a maysa a komunista.
