Inwaragawag ni Senator Panfilo “Ping” Lacson nga ada dagiti napateg a detalye ken testigo a nakasagana a mangipaay iti impormasyon ken ebidensya kontra kenni sigud a Senate presidente Alan Peter Cayetano.
Daytoy ket kalpasan iti mapapati a panangatake ni Senator Cayetano iti integridadna.
Iti maysa nga statement, dinakamat ni Lacson nga bilbilangenan dagiti indibidual nga umas-asideg kenkuana tapno boluntaryo nga agtestigo kontra kenni Senator Cayetano.
Nagramot ti panagsinupiat dagitoy kalpasan a kinuwestionaran ni Cayetano ti panagngato ti indeklara ni Lacson a net worth na iti Statement of Assets, Liabilities and Net Worth (SALN).
Kas sungbat, impetteng ni Lacson a lehitimo ti panangngato ti kinabaknangna gapu ta nabayagen daytoy iti gobyerno ken kumitkita daytoy manipud iti pribado a sektor, banag nga impettengna a makita met iti income tax returns daytoy idi 2023 ken 2024.
Kagidan dayta, inakusaran metlaeng ni Lacson ni Cayetano iti maatap a P6.79 bilyon a “pork barrel-like” budget insertions iti 2025 General Appropriations Act (GAA) ken posible a pakainaiganna iti maatap a “ghost” flood control projects idiay Taguig City.
Iti udi na, impetteng ni Lacson a napateg a banag kenkuana ti integridad nangnangruna ta agarup lima dekada meten ti panagserbina iti gobyerno. //bombokaren.c.sapirao
