--Ads--
Kinarit ni Senator-Judge Robin Padilla dagiti kakaduana a Senador a luktan ken ipakitada iti publiko dagiti amin a bank records dagiti senator-judges ken government officials.
Daytoy ket kalpasan a kinontrana ti pangeddeng ti Senate impeachment court a maipaulog ti subpoena para iti bangko ken Anti-Money Laundering Council (AMLC) records ni Vice President Sara Duterte ken ti asawana a ni Atty. Manases Carpio.
Sigun kenni Padilla, rumbeng a maluktan dagiti amin a bank records dagiti opisiales tapno patas ken maipakita ti kinaawan panangidumduma.
Kabayatanna, kiniddaw manen ti Senador ti pannakaipasa ti Freedom of Information (FOI) bill nga insubmitir-na tapno mapatibker ti transparency ken accountability iti gobierno.
