--Ads--
Nakisango ni President Ferdinand Marcos, Jr. kenni United States Secretary of State Marco Rubio idi kalman tapno mapagtatalantanan dagiti napapateg nga isyu.
Iti panlaak ni President Ferdinand Marcos, Jr., napagsaritaanda kenni Secretary Rubio dagiti isyu kas iti security, trade, energy, ken regional stability kas panangsuporta idi mas nataltalged ken narang-ay nga Indo-Pacific.
Kabayatanna, iti official website ti US Department of State, insalyasayna a natalantan metlaeng ti maika-10 nga anibersaryo ti July 16 Arbitral Award idiay South China Sea a mangidekdeklara nga awan ti karbengan ti China a mangtagikua iti South China Sea. //bombokaren.c.sapirao
