Inwaragawag ti Malakanyang a saan a mangisayangkat ni President Ferdinand Marcos Jr. iti loyalty check kadagiti active-duty soldiers.
Kasaruno daytoy ti palawag ni National Bureau of Investigation (NBI) Director Melvin Matibag kabayatan ti impeachment trial a karaman dagiti active-duty soldiers kadagiti persons of interest iti maipagarup a panggep a mangpapatay iti Presidente.
Sigun kenni Palace Press Officer Atty. Claire Castro, naipatuloden ti nasao nga impormasion iti Presidente ken dagiti security daytoy.
Inlawlawag ni Atty. Castro nga adda paylaeng ti panagtalek ni President Marcos Jr. kadagiti soldado iti pagilian.
Nupay kasta, masapul a maammuan ti kinasiasino dagiti indibidual a saan nga agtumpal iti mandatoda tapno masigurado ti pannakasalaknib ti presidente.
Innayon ni Castro nga ammo ti Presidente no siasino ti pagtalkanna, isu’t gapuna a saannan a kasapulan ti loyalty check.
