Nakasagana ti kampo ni Vice President Sara Duterte a mangsango kadagiti alegasion kontra kenkuana iti agtultuloy nga impeachment proceedings.
Daytoy ket kalpasan ti panangipaulog ti Senate impeachment court kadagiti subpoena tapno maala ti sumagmamano a bank ken tax records ti Bise Presidente.
Sigun kenni Atty. Michael Poa, pannakangiwat ti defence team, saanda a kontraen ti anyaman nga addang tapno magun-od ti kinapudno.
Kinunana a kayatda laeng a siguraduen nga amin nga addang a maaramid ket maitunos iti Konstitusion, agdama a linteg, ken pagannurotan ti korte.
Innayon ni Poa a ninamnamada ti posibilidad nga autorisaran ti impeachment court ti pannakaiparang dagiti tax record.
Sigun pay kenkuana, sisasaganada a mangpaneknek nga awan ti nakaibasaran dagiti alegasion mainaig iti maipagarup a saan a mailawlawag a kinabaknang ni VP Sara Duterte.
