Nangiruar iti nadadagsen a tirada ti Estados Unidos ken Iran iti tunggal maysa sakbay pay ti naituding a panangiwarawagwag ti Washington iti baro nga economic sanctions kontra iti Tehran a mabalin a makaapektar metlaeng iti primary trading partner daytoy karaman ti China.
Agarup innem a bulan ti tensyon iti nagbaetan ti dua a pagilian.
Nagresulta daytoy iti panagsardeng dagiti oil shipment a dumalyasat iti Strait of Hormuz kalpasan nga impetteng ti Iran nga atakeenda ti aniaman nga oil tanker a magna iti nasao a ruta nga awanan pammalubos manipud kadakuada.
Manamnama met nga iwaragawag ti US Treasury Secretary Scott Bessent ti inawaganna kas “most strongest sanctions in history” kontra iti Iran kagiddan ti waragawag ti China a makitinnulong iti Washington.
Maibasar iti datus ti analytics firm a Kpler idi 2025, nasurok 80% a krudo nga ibibiahe ti Iran ket gatgatangen ti China bayat nga agpanpanawagan met ti Beijing a maipatungpal ti diplomasya imbes a karkaroenda ti tensyon.//CSS
