Impeksa ni Senator Robin Padilla ti suportana iti maisingsingasing a pannakaipasdek ti Pax Silica iti pagilian.
Impetteng ti Senador a saan a rumbeng a lapdan ti pannakaipasdek daytoy nangruna ket mangipaay iti trabaho ken pagbiagan kadagiti Pilipino.
Kagiddan daytoy, indagadagna kadagiti Pilipino a saanda a dagus a mamati kadagiti politiko a mangibagbaga a dakes wenno makadangran iti Pilipinas dagiti foreign investors.
Daytoy ti kinuna ni Padilla kabayatan ti maysa nga event sadiay Baliwag, Bulacan.
Inyunay-unay ti Senador a patgan a makasrek dagiti foreign investors iti pagilian agsipudta mangipaay dagitoy iti trabaho ken pagbiyagan dagiti Pilipino.
Kabayatanna, kinuwestionaran ni Padilla no apay nga agbalbalin nga isyu iti politika ti nasao nga inisyatiba.
Innayonna a nasaysayaat nga itulok dagiti gangganaet nga agnegosyo iti pagilian ken saan a rumbeng a lapdan.
Ti Pax Silica ket U.S.-led international initiative wenni high-tech industrial ken manufacturing hub a maisingsingasing a maipasdek sadiay New Clark City, Capas, Tarlac.
