Agkidkiddaw iti tulong ti pamilya ti maysa a Pilipino a mapukpukaw gapu iti flash flood a napasamak sadiay Nepal idi Agosto 26, 2026.
Sigun iti opisyal a datos ti Department of Tourism ti Nepal, karaman ni Juan Carlos Manalo kadagiti 1,000 a tattao nailista a mapukpukaw kalpasan ti flash flood.
Nabigbig ni Juan Carlos a maysa a doktor ken karaman iti Isha Sadghuru group ti Kailashyatra tour.
Sigun iti kabsatna a ni Chiara Manalo, naudi a na-contract da ni Juan Carlos sakbay ti napasamak nga insidente.
Manarimaan ti koordinasyon ti maseknan a pamilya iti Philippine Embassy sadiay New Delhi para iti pannakabiruk ti nasao a mapukpukaw.
Kidkiddawen metlaeng ti pamilya iti grupo a kakadua ni Juan Carlos a makikoordinar dagitoy kadakuada.
Kabayatanna, intuloy ti Nepal ken China ti rescue operations kalpasan a temporaryo a nasuspinder gapu iti naurnong a danum iti makinngato paset a posible a mangitunda manen iti flash flood.
Maitudtudo a ti pannakatnag ti glacier iti lake ti rason ti napasamak a flash flood.
