Dumanunen iti 2,041 a residente wenno 746 a pamilya ti nagbakwit manipud kadagiti komunidad nga asideg iti Mayon Volcano gapu iti panagbettak daytoy idi Biernes, Oktobre 30.
Karaman kadagiti nagbakwit dagiti residente sadiay Tabaco City, Camalig ken Ligao City.
Kabayatanna, agtaltalinaed nga Alert Level 3 ti nasao a bulkan, isu’t gapuna a maiparit ti panagserrek iti six-kilometer Permanent Danger Zone gapu iti pangta ti lava flow, ashfall ken pyroclastic density currents.
Naka-Code Blue Alert metlaeng dagiti health facility ken emergency response team sadiay Albay tapno masigurado ti dagus a tulong kadagiti apektado a residente.
Nagpalagip metlaeng ti provincial veterinary office iti publiko a salakniban dagitoy dagiti dingwen ken livestock kontra iti posible nga epekto ti ashfall.
