Dumanon iti 52 a barangay ti naapektaran iti ashfall gapu iti panagngato ti aktibidad ti Bulkang Mayon.
Maibasar iti report ti Philippine Institute of Volcanology and Seismology (PHIVOLCS), agsasaruno a volcanic activity ti nangitunda iti napuskol nga abo a naiwaras iti nagduduma a paset ti Albay.
Sigun kenni PHIVOLCS Director Dr. Teresito Bacolcol, agtaltalined iti Alert Level 3 ti bulkan.
Mangipasimudaag daytoy iti magmatic unrest ken ti posibilidad a panagbettak ti bulkan.
Gapu iti daytoy, nainget a maipawil ti panagturong iti 6 km Permanent Danger Zone (PDZ).
Nabalakadan metlaeng dagiti residente nga agtalinaed iti uneg ti pagtaenganda iti kanito a mapasaran ti ashfall; agaramat ti protective masks ken siguraduen a nakaleban dagiti taraon ken danum tapno maliklikan ti kontiminasyon.
